Главная
Регистрация
Вход
Ուրբաթ
23.04.2021
11:33
Приветствую Вас Гость | RSS
ԱՐԵՎ
www.arev.my1.ru Anna Matevosyan's Blog

ՑԱՆԿ

ՄՈՒՏՔ

 Блог 
Главная » 2012 » Июль » 15 » Ինչպես պետք է աղոթել
07:45
Ինչպես պետք է աղոթել

Ավետարանում այս մասին էլ բացահայտ թելադրանքներ կան:

 Նախ` աղոթքը պետք է մարդկանց հետ հաշտված հոգեվիճակով լինի: Եթե սեղանի վրա քո ընծան մատուցելու լինես,-ասում է Հիսուսը,-և այնտեղ հիշես, թե քո եղբայրը քո դեմ մի ոխ ունի, քո ընծան թող սեղանի առաջ և գնա´ նախ հաշտվի´ր քո եղբոր հետ և ապա ե´կ քո ընծան մատուցի´ր¦ (Մատթ. Ե 23-24):

<Ընծա մատուցելը> հին հրեաների համար այն էր, ինչ այսօր մեզ համար <ս. Պատարագ մատուցելը> կամ որևէ պաշտամունքի մասնակցելը: Բացի այս, երբ մեր Տերը <Հայր-Մեր>-ն  է սովորեցնում, հատկապես ծանրանում է նրա <թող մեզ մեր պարտքերը, ինչպես և մենք ենք թողնում մեր պարտապաններին> խոսքի վրա:

 <Եթե դուք մարդկանց ներեք նրանց հանցանքները,-ավելացնում է Հիսուսը,-ձեր երկնավոր Հայրն էլ ձեզ կների: Իսկ եթե դուք մարդկանց չներեք իրենց հանցանքները, ձեր Հայն էլ ձ´եզ չի ների ձեր հանցանքները> (Մատթ. Զ 14-15):                                                                                              

Աղոթքը պետք է նաև <հոգով և ճշմարտությամբ կատարել>: 

Մի անգամ Հիսուսն ասաց. <Աստված Հոգի է և, հետևաբար, Նրան պետք է հոգով և ճշմարտությամբ պաշտել> (Հովհ. Դ 24): 

Սա Հիսուսի անմատչելի և անմրցելի խոսքեից մեկն է, որը մի նոր դարաշրջան է բացում կրոնի և պաշտամունքի հասկացության մեջ: Այս խոսքով պաշտամունքը հանկարծ  մի նոր և բարձրագույն մակարդակի վրա է դրվում, որին, դժբախտաբար,  քչերն են կարող բարձրանալ, ինչպես քչերն են կարող լիովին իրագործել Հիսուսի բարոյական ու ընկերային ուսուցումները: 

Հոգին հակադրված է նյութին, երկուսն էլ` նյութը և հոգին, իրական են, տարբերությունն այն է, որ մեկը ենթակա է մեր զգայարաններին, իսկ մյուսն ըմբռնելի եւ հասանելի է մեր բարձրագույն կարողություններով, իմացականությամբ եւ երևակայությամբ: 

Կրոնը կամ աղոթքը, որոնց նպատակը մեր առջև հոգեկան աշխարհի դռները բանալն է, դժբախտաբար, երբեմն կարող են ճիշտ հակառակ դերը կատարել. դառնում են վարագույր մարդու և Աստծո միջև: 

Կան հավատացյալներ, ովքեր եկեղեցասեր են, հետաքրքրվում են եկեղեցու ծեսերով և լավ գիտեն դրանք, մինչև իսկ սրբագրում են պաշտամունքը կատարողներին, սակայն այնքան են տարված պաշտամունքի տարրերով և գիտությամբ, որ Աստծո հետ <Հոգով և ճշմարտությամբ> հաղորդակցության մեջ չեն կարող մտնել: 

Աստվածաբաններ կան, ովքեր այնքան շատ բան գիտեն Աստծո և Քրիստոսի մասին, որ իրենց ամբարած չոր գիտությունն արգելք է դառնում իրական Քրիստոսին և կյանք ունեցող ու կենսատու Աստծուն ճանաչելու:

Մարդու պարագայում գործածվելիս <հոգին> նշանակում է Նրա բարձրագույն էությունը, մարդու անձը, ինչ էլ այն իրականում լինի: 

<Հոգով պաշտել>, ուրեմն, նշանակում է պաշտամունքի ընթացքում մարդու բարձարգույն էության, այսինքն` անձի ներկայությունը: 

Մարդն առանձնապես, այսինքն` իր խորագույն գիտակցությամբ, ներկա պետք է լինի պաշտամունքին և, թափանցելով ծեսերի ու արարողությունների իմաստի, բառերի և եղանակների միջով, Աստծո ներկայությանը բարձրանա, Ով հատկապես այդ պահին ներկա է աղոթավայրում:

Իսկ ի՞նչ է նշանակում <ճշմատությամբ պաշտել>:  

Ճշմարտությունը նախ հակադրված է ստին, կեղծին և չեղածին և, հետևաբար, նույնացված <իրականության> հետ` իրերի հոգևոր մարզում: 

<Ճշմարտությունը> իրերի բարոյական և հոգեկան մազերում նույնն է: 

Աղոթքը կամ պաշտամունքը հիմնված պետք է լինի Աստծո <իրականության> վրա, անձի աղոթքի և պաշտամունքի նպատակը մարդուն աստվածային <իրականության> հետ շփման եւ  հաղորդակցության մեջ դնելն է: 

Իր վերոհիշյալ վսեմ խոսքը Հիսուսը եզրակացության է բերում. <Աստված այսպիսի պաշտողների է փնտրում (Հովհ Դ 23) Ինքն Իրեն նրանց հայտնի դարձնելու համար>:

Ուրեմն, պարտավոր ենք մեր գերագույն կարողությունները` միտքը և հոգին, ի գործ դնել իրագործելու համար աղոթքի գերագույն նպատակը` բարձրանալ Նրա <իրական> ներկայությանը, հոգով <գզալի> և ոչ <բարոյական>  կամ <խորհրդանշական> ներկայությանը: 
Категория: ՄԱՆԱՆԱ | Просмотров: 884 | Добавил: ArevBlog | Рейтинг: 0.0/0
Всего комментариев: 0
Имя *:
Email *:
Код *:

ՈՐՈՆՈՒՄ

ՕՐԱՑՈՒՅՑ
«  Июль 2012  »
ПнВтСрЧтПтСбВс
      1
2345678
9101112131415
16171819202122
23242526272829
3031

ԲԼՈԳԻ ԸՆԿԵՐՆԵՐԸ

ԱՅՍ ՕՐՎԱ ՄԱՍԻՆ

Աննա Մաթևոսյան © 2021