Главная
Регистрация
Вход
Ուրբաթ
23.04.2021
10:14
Приветствую Вас Гость | RSS
ԱՐԵՎ
www.arev.my1.ru Anna Matevosyan's Blog

ՑԱՆԿ

ՄՈՒՏՔ

 Блог 
Главная » 2012 » Июнь » 26 » Եկեղեցական սկզբունքներին դեմ անհրաժեշտություն
20:34
Եկեղեցական սկզբունքներին դեմ անհրաժեշտություն
Դիակիզումն ընդունված է հուղարկավորության առաջավոր ձեւ համարել: 

Այդ երեւույթը  գոյություն ունի աշխարհի  21 պետություններում`կաթոլիկների շրջանում: 

Ուսումնասիրությունները ցույց են տալիս, որ դեռեւս բրոնզի դարում Հայկական լեռնաշխարհում եղել են դիակիզման դեպքեր, սակայն այդ սովորությունը հայկական համարել չի կարելի:

«Դիակիզման բազմաթիվ դեպքեր են եղել, բայց դրանք տարբեր ժողովուրդվների սովորություններն են, եւ միանշանակ ասել, որ հնում Հայաստանում դիակիզումը ընդունված է եղել, սխալ կլինի»,- ասաց ազգագրագետ Սուրեն Հոբոսյանը` հավելելով, որ անտիկ` հատկապես վաղ քրիստոնեության շրջանում այդպիսի երեւույթ մեզ մոտ չի նկատվել: 

Կկառուցվի՞ Հայաստանում դիակիզարան, թե ոչ, ցույց կտա ժամանակը: 

Ակնհայտ է, որ ավանդույթների եւ նպատակահարմարության կոնֆլիկտը մեզանում դեռ երկար կշարունակվի: 

«Դժվար չէ կանխատեսել, որ կգա մի օր, երբ դիակիզարանի առկայությունը պարզապես անհրաժեշտություն կդառնա եւ կստիպի մարդկանց հենց այս տարբերակի վրա կանգ առնե»,- ասաց ազգագրագետը` նշելով, որ ազգային սովորությունը փոխելը ոչ միայն դժվար կլինի, այլեւ երկար ժամանակ կպահանջի: 

Դեռեւս 1975թ. ՀԽՍՀ կառավարությունը դիակիզարան կառուցելու մասին որոշում էր կայացրել եւ 1985-ին աշխատանքների համար վճարում է կատարվել:  Այնուհետեւ 2006թ. Ազգային ժողովն օրենք ընդունեց  դիակիզման մասին:                           

Ըստ օրենքի` դիակիզարաններ Հայաստանում պետք է կառուցված լինեին մինչեւ  2008թ.: 

Սակայն մինչեւ այսօր մեր երկրում ոչ մի դիակիզարան չի կառուցվել: 

«Պատճառը հիմնականում կապված է մեծ ծախսերի հետ»,- ասաց թաղման բյուրոյի բնակչության հատուկ սպասարկման համայնքային ոչ առեւտրային կազմակերպության ինժեներ Ռազմիկ Հարությունյանը` հավելելով, որ դիակիզարան կառուցելու մտքին դեմ են նաեւ հոգեւորականները: 

Ինչպես տեղեկացրեց Հարությունյանը, նախկինում Երեւանում գերեզմանոցների թիվը 8-ն էր, 1997 թվականից հետո դրանց թիվն աճել է` հասնելով 20-ի, իսկ բոլոր գերեզմանատները միասին  540 հա են զբաղեցնում:

«Եթե այսօր  այդքան մեծ տարածք են զբաղեցնում, ապա մի քանի տարի հետո գերեզմանոցների համար նախատեսված տարածքն ավելի կընդլայնվի, եւ կկանգնենք լուրջ խնդիրների առջեւ» , - նկատեց Հարությունյանը` հավելելով, որ խնդրի միակ լուծումը դիակիզարան կառուցելն է: 

Ըստ Հարությունյանի` Հայաստանում դիակիզարանի կառուցումը կնպաստի, որպեսզի կարգավորվեն տեղի էկոլոգիական, սանիտարական հիմնախնդիրները, ինչպես նաեւ հողատարածքի խնայողություն կլինի: 

«Եթե 12 քմ մեկ գերեզմանոցի մեջ հուղարկավորվում է 4 հանգուցյալ, ապա դիակիզման օրենքի ընդունման հետեւանքով նույն հողատարածքում կդրվի 24 սափոր»,- ասաց Հարությունյանը`  նշելով, որ այն կդառնա ոչ թե ավանդական ընտանեկան դամբարան, այլ տոհմական գերեզման: 

Հարությունյանը դիակիզարան կառուցելու եւս մեկ պատճառ ներկայացրեց` ասելով, որ մարդիկ, տեսնելով իրենց հարազատներին մահացած վիճակում, հոգեկան լարվածություն են ապրում. 

«Իսկ եթե դիակիզարան կառուցվի, ճիշտ է, վիշտը մեծ կլինի, բայց առանց սթրեսային ֆոնի», - ասաց Հարությունյանը: 

Սակայն քրիստոնեական որեւէ եկեղեցի դեռ չի ընդունել դիակիզման  իրողությունը.  անընդունելի է այն պատճառաբանությամբ, որ Հին կտակարանը ոսկորներն այրելու այդ սովորույթն արգելում է: 

«Եկեղեցին ի սկզբանե դեմ է եղել դիակիզմանը եւ միշտ էլ դեմ կլինի»,- ասաց Սբ Հովհաննես եկեղեցու սպասավոր տեր Շմավոն քահանա Ղեւոնդյանը` հավելելով, որ Հայ Առաքելական եկեղեցին ընդունում է միայն, որ Հիսուս Քրիստոսը հարություն է առել գերեզմանից: 

Իսկ այն անձինք, ովքեր պատճառաբանում են, թե դիակիզման օրենքի ընդունումը կնպաստի հողատարածքի խնայողությանը, ապա նրանք չարաչար սխալվում են. 

«Գերեզմանատան համար նախատեսված է 3x4 հողատարածք տրամադրել, սակայն վերցնում են 4x4-ի եւ ավելի շատ»,- նշեց քահանան` հավելելով, որ նույնը կկրկնվի նաեւ դիակիզման օրենքի ընդունման ժամանակ եւ հողատարածքի խնայողություն չի լինի: 

Հարցին, թե Հայասատանում դիակիզումը բնակչության կողմից կընդունվի, թե՞ ոչ, տեր Շմավոնն այն համոզմունքը հայտնեց, որ ամեն ինչ իշխանությունների ձեռքին է` ինչ ուզեն, այն էլ կանեն. 

«70 տարի ավտոմեքենա ենք վարել` առանց ամրագոտիների, սակայն մեկ օրվա ընթացքում բոլորը կապեցին իրենց ամրագոտիները, քանի որ այդպես էր հրամայված իշխանությունների կողմից եւ այսօր էլ, եթե ցանկանան, կկառուցեն դիակիզարան` առանց որեւէ մեկի կարծիքը հաշվի առնելու»: 

Մինչդեռ տեր Շմավոնը կարծում է, որ ավելի քան 50 տարի է անհրաժեշտ, որ մեր հասարակությունն ընդունի դիակիզում երեւույթը:                                                                                                                                                                                          Աննա ՄԱԹԵՎՈՍՅԱՆ
Категория: ՀԱՍԱՐԱԿՈՒԹՅՈՒՆ | Просмотров: 520 | Добавил: ArevBlog | Рейтинг: 0.0/0
Всего комментариев: 0
Имя *:
Email *:
Код *:

ՈՐՈՆՈՒՄ

ՕՐԱՑՈՒՅՑ
«  Июнь 2012  »
ПнВтСрЧтПтСбВс
    123
45678910
11121314151617
18192021222324
252627282930

ԲԼՈԳԻ ԸՆԿԵՐՆԵՐԸ

ԱՅՍ ՕՐՎԱ ՄԱՍԻՆ

Աննա Մաթևոսյան © 2021